Muling nagkabakbakan ang mga tropa ng gobyerno at mga miyembro ng Bangsamoro Islamic Freedom Fighters (BIFF) sa Maguindanao.
Ayon kay Captain Jo-Ann Petinglay, tagapagsalita ng Army 6th Infantry Division, nagsasagawa ng clearing operations ang mga sundalo sa Barangay Tee sa bayan ng Datu Salibo nang maganap ang engkwentro.
Hindi pa matiyak ni Petinglay ang eksaktong bilang nasawi sa bakbakan.
Gayunman, patuloy pa rin umanong sinusuyod ng militar ang nasabing barangay upang masigurong wala nang naiwang pampasabog sa lugar.
By Jelbert Perdez
