Nanguna si Makati City candidate Michelle Dee sa Miss Universe Philippines 2022 preliminaries na ginanap kagabi sa Cove Manila sa Pasay City.
Nasungkit ni Dee ang Miss the Medical City, Miss Jojo Bragais, Face of Essentials by Belo, Miss Creamsilk, Miss Kumuniverse, at Miss Savepoint.
Tig-dalawang awards naman ang naiuwi nina Katrina Llegado ng Taguig, Pauline Cucharo Amelinckz ng Bohol, at Celeste Cortesi ng Pasay City.
Sina Marco Gumabao at reigning Queen Beatrice Luigi Gomez ang nagsilbing host ng Miss Universe preliminary competition, na dinaluhan nina Miss Universe 2021 Harnaaz Sandhu, performers na sina Ez Mil, Anji Salvacion, Yheen & Yuki, at Gabriel Umali.
Isasagawa sa Abril 30 ang coronation night ng Miss Universe Philippines 2022.
