Bigong makapasok sa top 5 ng Miss World 2019 ang pambato ng Pilipinas na si Michelle Marquez Dee .
Umabot lamang si Dee hanggang sa top 12 ng prestihiyosong beauty pageant.
Kabilang sa mga nakapasok sa top 5 finalists ng Miss World ang Nigeria, Brazil, India, Jamaica at France.
Pero sa kabila ng kabiguang ito ni Michelle, mas lalo pa umano syang napalapit ngayon sa kanyang tunay na hangarin sa buhay, at ito aniya ay ang makatulong sa pagpapalaganap ng autism awareness.
Una nang idineklara ang 23-year-old actress and beauty queen na si Michelle Dee bilang goodwill ambassador ng Autism Society Philippines (ASP) na isang non-profit organization.
Matatandaan na si Megan Young ang kauna-unahan at huling Pilipina na nakoronohan ng Miss World noong 2013.
Samantala, itinanghal namang Miss World 2019 si Miss Toni-Ann Singh ng bansang Jamaica.