Tiniyak ng Palasyo na mapapasakamay ng mga tunay na residente ng isla ng Boracay sa Aklan ang mga lupaing kinatitirikan ng kanilang mga bahay.
Ayon kay Presidential Spokesman Harry Roque, maraming nakabinbing panukala sa Kongreso na makatutulong sa mga taga-Boracay at mga katutubo para makakuha ng land title.
Ang Kongreso anya ang nagdedesisyon kung sino ang mga ligal at dapat na benepisyaryo sa Land Reform Program ng gobyerno sa pangunahing tourist destination sa bansa.
Makailang beses nang inihayag ni Pangulong Duterte ang kanyang pagnanais na maipamahagi sa mga tunay na taga-Boracay ang buong isla.
