Pinayuhan ni Justice Secretary Emmanuel Caparas ang mga testigo na nasa ilalim ng Witness Protection Program ng kagawaran na kung wala na silang tiwala ay malaya silang lisanin ang WPP.
Binigyang-diin ni Caparas na wala namang pilitan upang mapasailalim sa programa ang testigo sa isang krimen.
Ang reaksyon ng Kalihim ay kasunod na rin ng umano’y pangamba ng ilang mga testigo laban kay dating Pangulong Gloria Arroyo dahil sa pagiging malapit nito sa Duterte Administration.
By: Meann Tanbio
