Muling pinaalalahanan ng pamunuan ng Armed Forces of the Philippines ang lahat ng mga tauhan nito na tumalima sa gun ban.
Ayon kay AFP Public Affairs Office Chief Col. Noel Detoyato, hindi dapat magbitbit ang mga sundalo ng baril kung hindi naman sila naka-duty o walang permiso mula sa COMELEC.
Sinabi ni Detoyato na noong Disyembre pa lamang ng nakaraang taon ay pinaalalahanan na nila ang lahat ng AFP personnel hinggil sa gun ban upang hindi maharap ang mga ito sa parusa.
Matatandaang sinimulan ang implementasyon ng COMELEC gun ban noong Enero 10 na magtatapos hanggang sa Hunyo 8 kaugnay ng May 2016 elections.
By Jelbert Perdez
