Hinamon ng isang mambabatas si Pangulong Rodrigo Duterte na damputin at arestuhin ang mga Tsinong tumatambay sa West Philippine Sea.
Ito’y ayon kay Bayanmuna Partylist Rep. Carlos Zarate kasunod ng pinaigting na kampaniya ng Pangulo sa pambansang pulisya na lipulin ang mga tambay sa lansangan.
Giit ng mambabatas, laging pinupuntirya lamang ng Pangulo ang mga mahihirap at walang kalaban – laban habang tiklop naman ito sa mga Tsino na walang habas na nang-aagaw ng teritoryo.
Kung perhuwisyo aniya kung ituring ng Pangulo ang mga tambay sa lansangan, dapat din aniyang ituring na salot ang mga Tsino dahil sa pakikinabang nila sa mga likas yaman ng Pilipinas.
