Tiniyak ng pamunuan ng Resorts World Manila na kanilang sasagutin ang lahat ng gastusin para sa mga sugatang biktima ng nangyaring pag-atake kahapon.
Kabilang sa mga sasagutin ng nasabing hotel at casino ay ang hospital bill gayundin ang mga ireresetang gamot ngunit kinakailangan lamang na lumagda ang mga biktima sa promisory note.
Ayon sa casino supervisor na si Jun Mangosin na isa sa mga nasugatan sa insidente, nag-iikot na ang kanilang human resource department sa mga ospital kung saan isinugod ang mga biktima ng pag-atake.
Bukod sa mga empleyado, sasagutin din ng Resorts World ang gastusin sa ospital ng mga casino players na nasugatan sa nasabing insidente.
By: Jaymark Dagala
