Sinugod ng mga retiradong sundalo at pulis kasama ang biyuda ng mga namayapa nang pensyonado ang tanggapan ng Dept. of Budget and Management (DBM).
Ipinapanawagan nila ang pagpapalabas ng pondo para sa mga hindi nila natanggap na pensyon noong 2018 at mula Enero hangang Mayo ng taong ito.
Una nang inilabas ng DBM noong nakaraang buwan ang mahigit sa P22-B para sa pension differential ng mga military at uniformed personnel retirees na nakabase sa itinaas na sahod ng mga aktibo pa sa serbisyo.
Gayunman, nilinaw ng DBM na wala silang babayarang differential pay para sa 2018 dahil suspendido nuong panahong yun ang indexation ng pensyon ng mga retirees na nakabase sa sahod ng aktibo sa serbisyo.
