Nagbabala ang Department of the Interior and Local Government (DILG) sa mga resort owner at iba pang liesure venues na patuloy na lalabag sa health protocols kontra COVID-19.
Ito ang inihayag ni DILG Sec. Eduardo Año sa harap na rin ng pagluluwag ng quarantine restrictions sa maraming lugar sa bansa .
Ayon kay Año, inaasahan na nila ang pagdagsa ng mga bakasyunista ngayong papalapit na ang semana santa kung saan marami ang walang pasok sa trabaho.
Dahil dito, pinaalalahanan ng kalihim ang mga may-ari ng resort at iba pang pasyalan sa bansa na mahigpit pa ring ipatupad ang mga protocols upang hindi mahawaan ng virus.
Banta ni Año, sakaling lumabag ang mga nasabing establisyemento o negosyo sa itinatakdang kapasidad o kabiguang magpatupad ng health protocols kontra COVID-19 ay ipasasara nila ang mga ito. —ulat mula kay Jaymark Dagala (Patrol 9)
