Kukuha muna ng permit kay Pangulong Rodrigo Duterte ang mga Presidential Appointees na maga-abroad o dadalo sa mga international event.
Ito ang ipinag-utos mismo ni Pangulong Duterte sa talumpati niya sa Presidential Award for Child Friendly Municipalities and Cities sa Malacañang.
Binigyang diin ng Pangulo na dapat umiwas sa mga junket o hindi mahalagang mga biyahe ang mga opisyal kaya kaniya muna itong pag aaralan kung importante ba ang mga biyahe sa abroad.
Magugunitang isa rin sa dahilan ni Pangulong Duterte ng pagbuwag sa Commission for the Urban Poor ay ang junkets abroad o ang madalas na biyahe sa labas ng bansa ng ilang opisyal ng naturang komisyon.
