Inabisuhan ng embahada ng Pilipinas ang mga Overseas Filipinos sa Thailand at Cambodia na maging mapagmatyag matapos magpalit-putukan ang dalawang bansa, lalo na sa hidwaan nila pagdating sa border dispute.
Sa magkahiwalay na pahayag, nagpaalala ang embahada sa mga Pilipino sa dalawang bansa na subaybayan ang balita tungkol sa kaguluhan at sundin ang paalala ng mga lokal na otoridad.
Pinaalala rin ng Philippine Embassy sa Thailand at Cambodia ang mga Pilipino sa dalawang bansa na umiwas sa mga lugar na may kaguluhan, lalo na ang mga bayan na malapit sa Thai-Cambodian border, at iulat sa embahada ang kanilang kalagayan upang hindi mag-alala ang kanilang mga pamilya sa Pilipinas.
Samantala, nakahanda naman ang embahada sa dalawang bansa na alalayan ang mga Pilipinong maiipit sa kaguluhan
