Wala ng balak ang palasyo na patulan si dating Chief Justice Maria LOURDES sereno kaugnay sa pahayag nitong magbitiw na sa pwesto si Pangulong Rodrigo Duterte dahil umano sa maling paraan nang pagpapaalis sa kanya sa pwesto.
Ayon kay Presidential Spokesman Harry Roque, hindi na siya magkokomento sa mga patutsada na ito ni Sereno dahil mismong ang Pangulo ay ayaw na ring magbigay ng anumang pahayag.
Mas mabuti anyang hayaan na lang si Sereno dahil isa na itong pribadong indibidwal.
Matatandaang niresbakan ng pinatalsik na punong mahistrado si Pangulong Duterte sa isang aktibidad ng Integrated Bar of the Philippines at inakusahang lumabag sa konstitusyon dahil sa panghihimasok umano nito sa Quo Warranto Petition laban sa kanya.