Hinamon ni National Food Authority Administrator Jason Aquino ang kanilang mga kritko na lumantad at pangalanan ang sinumang nasa likod ng rice cartel sa bansa.
Ito ang matapang na pahayag ni Aquino sa pagharap nito sa pagdinig ng House Committee on Agriculture and Food hinggil sa umano’y kakulangan sa suplay ng bigas ng NFA.
Giit ni Aquino, kailangang kasuhan at mapanagot ang sinumang sangkot sa rice cartel dahil hindi dapat pinaglalaruan at pinag-eeksperimentuhan ang sikmuha ng taumbayan na matagal nang dumaraing ng gutom dahil sa pulitika.
Una rito, inulan muna ng mga reklamo ang NFA mula sa mga mambabatas dahl wala nang nabibiling NFA Rice sa mga pamilihan.
DWIZ Patrol Reporter Jill Resontoc
Posted by: Robert Eugenio
