Nangako ang Malacañang na iimbestigahan ang kaso ng pagkabukbok ng 133,000 sako ng bigas sa Subic Bay Freeport Zone.
Ayon kay Presidential Spokesperson Harry Roque, sa ngayon ay naghihintay pa ang Palasyo ng sagot kung bakit napeste ang naturang mga bigas.
Alam na rin aniya ng Pangulong Rodrigo Duterte ang nangyari sa mga inangkat na bigas mula sa Thailand.
Sinabi pa ng kalihim na hindi ito dapat na mangyari dahil taumbyan ang nagbayad sa mga inangkat na bigas ngunit hindi naman ito nakarating sa kanila.
—-
