Inihirit ni Presidential Communications Office secretary Martin Andanar na mailipat na lamang sa ibang tanggapan ng gobyerno si PCOO Assistant Secretary Mocha Uson.
Kasunod ito ng kontrobersiyal na sing and dance video na inilabas ni Uson naglalayong itaguyod ang pederalismo.
Kuwento ni Labor Secretary Silvestre Bello III, minsan na silang nagkabiruan ni Andanar kung saan ay sinabi nito na kung maari ay ilipat na lamang sa Labor Department si Uson.
Unang lumutang ang balitang hiniling ng siyam na hindi pinangalanang mga opisyal ng PCOO na sibakin na ng Pangulong Rodrigo Duterte si Uson dahil sa mga akto nitong hindi naangkop bilang public servant.
—-
