Umakyat na sa mahigit 1,000 ang bilang ng mga Pinoy na kasalukuyang nakakulong sa iba’t ibang panig ng mundo dahil sa kasong may kaugnayan sa iligal na droga.
Ayon sa Department of Foreign Affairs (DFA), nasa kabuuang 1,282 ang mga Pinoy na nakakulong sa ibayong dagat kabilang na ang death convict na si Mary Jane Veloso.
Sa naturang bilang, 41 sa mga ito ang nahatulan na ng kamatayan.
Labing walo (18) sa mga ito ay nakakulong ngayon sa Malaysia, 21 sa China, isa sa Saudi Arabia at isa sa Indonesia.
Ilan sa mga naaresto ay mga drug mule habang ang iba ay wala umanong ideya kung paano nagkaroon ng droga sa kanilang mga bagahe.
By Ralph Obina
