Umabot sa kabuuang dalawang libo at isandaan (2,100) ang panukalang batas ang na-iproseso ng mababang kapulungan ng kongreso ngayong taong 2017.
Batay sa ulat na inihayag ni House Majority Leader Rodolfo Fariñas kay Speaker Pantaleon Alvarez, nasa kabuuang 8,528 na panukalang batas ang naihain ng 17th congress simula noong Hulyo 2016 kung saan kabilang dito ang 6,911 house bills at 1, 617 house resolutions.
Naisumite rin ang kabuuang 552 committee reports matapos maisakatuparan ng iba’t ibang komite sa kamara ang mga pagdinig kaugnay sa iba’t ibang mga panukala at isyu.
Ayon kay Fariñas na mayroong 39 panukala ang ganap nang naisabatas hanggang nitong Disyembre.
Magugunitang nag adjourned ang sesyon ng kamara nitong December 13 sa ilalim ng pamumuno ni Speaker Alvarez.