Arestado ang apat katao dahil sa umano’y pagnanakaw ng alahas na pag-aari ng asawa ni Turkish Foreign Minister Mevlut Cavusoglu sa Ninoy Aquino International Airport o NAIA.
Ayon kay MIAA o Manila International Airport Authority General Manager Ed Monreal, nadiskubre ng misis ni Cavusoglu na si Hulya na nawawala ang jewelry box sa luggage nito makaraan silang makauwi sa kanilang bansa matapos ang dinaluhang 50th ASEAN Ministerial Meeting sa Maynila.
Ang jewelry box ay naglalaman ng Escada White Gold Ring, singsing na may diamonds, gold ring with ornament, tatlong set ng pearl earrings at gold bracelet with diamonds.
Ipinabatid ni Monreal na narekober nila ang ninakaw na alahas mula kina Yves Ronald Baguion, Wilson Mataganas, John Andews Racoma at isang nagngangalang Alfaro, na pawang baggage loaders ng MIASCOR Ground Handling Corp. Na nakatalaga sa NAIA Terminal 1.
Kinansela na ang access pass privilege ng mga nabanggit na suspek.
By Meann Tanbio
