Naghahanda na ang National Vaccinations Operation Center (NVOC) Para sa ika-apat na dose ng COVID-19 vaccines o ikalawang booster shots sa ilang piling grupo sa Abril.
Ayon kay NVOC Chairperson at Health Undersecretary Myrna Cabotaje, target nilang makapagturok ng 4th dose sa huling linggo ng Abril sa mga frontliner, senior citizen at immunocompromised.
Nag-apply na anya ang DOH Ng amendments sa emergency use authorization para sa mga piling bakuna na maaaring ibigay na pang-fourth dose o second booster.
Aminado si Cabotaje na humihina na ang immunity lalo ng mga senior citizen kaya’t kailangang palakasin sa pamamagitan ng karagdagang bakuna.
Isinasapinal na rin ang guidelines habang hinihikayat ang mga targeted group na magpa-konsulta muna sa kanilang mga doktor bago magpaturok ng ikalawang booster shot.