Humanitarian crisis sa mga evacuation sa Lanao pangamba

Namemeligrong magkaroon ng humanitarian crisis sa gitna ng isang buwang bakbakan sa Marawi City, Lanao del Sur.

Ayon kay Health Undersecretary Herminigildo Valle, mas maraming evacuee ang nagkakasakit habang tumatagal ang sagupaan.

Kabilang anya sa mga dumadapong sakit ay lagnat at diarrhea sa mga bata at matanda sa mga evacuation center sa Iligan City.

Nagpahayag din ng pangamba si Valle sa pananatili ng mga evacuee sa kanilang mga bahay sa halip na sa mga evacuation center.

Umaasa naman ang opisyal na made-decongest ang mga siksikang evacuation center sa loob ng isa hanggang tatlong buwan.

By  Drew Nacino   

Comments

comments