Umabot na sa mahigit 12,000 mamamayan ang naapektuhan ng Bagyong ‘Ramon’ mula sa tatlong rehiyon na dinaanan ng bagyo.
Batay sa datos ng National Disaster Risk Reduction Management Council (NDRRMC), umabot sa halos 200 barangay mula sa Regions 2, 5 at Cordillera Administrative Region ang tinamaan ng Bagyong ‘Ramon’.
Sa ngayon ay mahigit pa sa 6,000 katao ang nananatili sa may mahigit 100 mga evacuation centers.
Nakapagtala naman ang NDRRMC ng 19 na bahay sa Eegion 5 na nasira ng bagyo, samantalang umabot sa 25 kalsada at 10 tulay ang nawasak o kaya ay bahagyang nasira ng bagyo.
