Posibleng mapilitan ang AFP o Armed Forces of the Philippines na targetin ang mga mosque sa Marawi City.
Ayon kay Col. Edgard Arevalo, hepe ng AFP Public Affairs Office, bagaman ayaw nilang humantong sa nasabing pangyayari ay wala silang magagawa kung hindi alisin ang mga nagtatagong miyembro ng Maute Group sa mga nasabing mosque.
Aniya, planong palabasin ng mga terorista ang pagkakaroon ng religious war kaya dinadala ng mga ito ang labanan sa mga pook dasalan.
Paliwanag ni Arevalo, maaari nilang gawin ang nasabing pag-atake alinsunod sa International Humanitarian Law.
By Krista De Dios | With Report from Jonathan Andal
