Isinailalim na sa Lookout Bulletin Order ng Bureau of Immigration ang mga miyembro ng Aegis Juris Fraternity na suspek sa pagkamatay ng U.S.T. Law Student na si Horacio Tomas Castillo the Third.
Alinsunod ito sa kautusan ni Justice Secretary Vitaliano Aguirre.
Sa tatlong pahinang kautusan, isinailalim sa lookout sina Arvin Balag, Mhin Wei Chan, Marc Anthony Ventura, Axel Mundo Hipe, Oliver John Audrey Onofre;
Joshua Joriel Macabali, Jason Adolfo Robiños, Ralph Trangia, Ranie Rafael Santiago, Danielle Hans Mattew Rodrigo, Carl Mattew Villanueva;
Aeron Salientes, Marcelino Bagtang, Zimon Padro, Jose Miguel Salamat at ang primary suspect na si John Paul Solano.
Ulat ni Bert Mozo
SMW: RPE
