Wala pang pahiwatig ang Pangulong Rodrigo Duterte kung ano ang mangyayari sa mga makakaliwang personalidad na binigyan niya ng puwesto sa pamahalaan.
Sa harap ito ng ginawang pagkansela ng Pangulo sa peace talks sa CPP-NPA-NDF.
Ayon kay Presidential Spokesman Harry Roque, mananatili sila sa posisyon hanggat mayroong tiwala sa kanila ang Pangulo.
Kabilang sa mga natitira pang makakaliwang personalidad na may hawak na posisyon sa pamahalaan sina Labor Undersecretary Joel Maglunsod, National Anti-Poverty Commission Secretary Liza Maza at Presidential Commission for the Urban Poor Chairman Terry Ridon.
—-
