Huwag sanang mapabayaan ang iba pang mahahalagang isyu ng bansa.
Ito ang apela ni Senador Alan Peter Cayetano ay sa gitna ng paghahanda ng senado para sa impeachment trial ni Vice President Sara Duterte.
Ayon kay Sen. Cayetano, maraming problema ang bansa na kailangan ding bigyang pansin, partikular na ang nasirang tulay sa Isabela; mga ghost students na nakatatanggang ng senior high school voucher program; ang usapin ukol sa pambansang pondo na nasa Korte Suprema; at ang naganap na pag-aresto kay dating Pangulong Rodrigo Duterte.
Binigyang-diin ng mambabatas na kailangang isaalang-alang ang “timing” upang hindi mapabayaan ang iba pang mga tungkulin ng mataas na kapulungan ng Kongreso.—sa panulat ni John Riz Calata
