Sunod na target ng pamahalaan na isailalim sa modernization program ang mga lumang truck at bus.
Ayon kay Department of Transportation o DOTr Undersecretary for Road Transport and Infrastructure Thomas Orbos, kasalukuyang nagkakaroon na ng pag-uusap ang ahensya at ang kagawaran ng mg truck owners at operators ng mga bus.
Paliwanag ni Orbos hindi lamang ang edad ng mga ito ang kanilang pagbabasehan kung hindi pati ang kapasidad pa ng mga itong makabiyahe ng ligtas.
Tiniyak naman ni Orbos na dadaanin nila sa maayos na proseso ang naturang programa para sa lumang bus at truck upang hindi mailagay sa alanganin ang mga commuter, delivery at iba pang serbisyo.
Hindi naman nabanggit kung kailan maisasakatupuran nang ganap ang naturang plano.
—-
