Mga LGU pinaghahanda na sa pagpasok ng La Niña

Hinimok ng Department of Interior and Local Government o DILG ang lahat ng lokal na gobyerno na maghanda na sa pagpasok ng La Niña phenomenon.

Inatasan na ni DILG Officer-in-Charge Catalino Cuy ang mga provincial governor, city o municipal mayor at barangay chairmen na pulungin na ang kanilang Local Disaster Risk Reduction and Management Councils at magsagawa ng pre-disaster risk assessment lalo sa mga flood-prone at landslide-risk area.

Hinikayat din ni Cuy ang mga local chief executive na pag-aralan na ang kanilang La Niña Action Plans o Oplan Tag-ulan Plans na isinumite sa DILG field offices at tiyaking nakalatag ang mga hakbang alinsunod sa La Niña forecast ng PAGASA.

Kahapon ay nakaranas ng malakas na pag-ulan dulot ng thunderstorm ang ilang bahagi ng Luzon kabilang ang Metro Manila.

By  Drew Nacino

Comments

comments