Suspendido ang mga klase ng tatlong paaralan sa bayan ng Juban, Sorsogon dahil sa ashfall matapos pumutok ang bulkang Bulusan kahapon.
Ayon sa National Risk Reduction and Management Council (NDRRMC), kabilang dito ang Puting Sapa Elementary School, Sangkayon Elementary School at Añog Elementary School.
Nagbabala naman si PHIVOLCS Director and Science Undersecretary Renato Solidum Jr. na posibleng magkaroon ng lahar sa mga kabahayan na malapit sa ilog sakaling bumuhos ang malakas na ulan.
