Inisa-isa ni Vice President Jejomar Binay ang mga problemang hindi sinulusyunan ng administrasyong Aquino sa loob ng 5 taon.
Inihayag ito ng Pangalawang Pangulo sa paglulunsad bilang partido politikal ng United Nationalist Alliance o UNA sa Makati Sports Arena.
Unang binatikos ni Binay ang tila kawalan ng presensya ng gobyerno dahil sa patuloy at talamak na korapsyon sa gobyerno.
Hindi rin pinaligtas ni VP Binay ang Metro Rail Transit o MRT na bukod sa pinabayaan ay tadtad din umano ng kaliwa’t kanang katiwalian.
UNA
Pormal nang inilunsad ang United Nationalist Alliance o UNA bilang isang political party.
Si Vice President Jejomar Binay ang tumatayong Chairman ng UNA.
Nahalal naman bilang Presidente ng UNA si Navotas Representative Toby Tiangco; Vice President si Senador Gringo Honasan; Secretary General si Atty. JV Bautista; habang treasurer naman si dating Finance Secretary Gary Teves.
Dumalo sa launching ng una sina Senador JV Ejercito, dating Senador Ernesto Maceda, dating Zambales Representative Mitos Magsaysay at iba pang incumbent Una lawmakers kabilang na si Sarangani Rep. Manny Pacquiao.
By Meann Tanbio
