Pinalalayas na ni Pangulong Rodrigo Duterte ang mga miyembro ng KADAMAY na umukopa sa mga pabahay ng gobyerno sa San Isidro sa Rodriguez, Rizal.
Sa harap ng panunumpa ng mga bagong halal na opisyal ng barangay sa Laguna, binigyan ng Pangulo ng hanggang mamayang alas 12:00 ng tanghali ang mga KADAMAY para lisanin ang lugar.
Babala ng Pangulo, pasensyahan na lamang dahil pakikilusin niya ang mga pulis kasama ang mga miyembro ng Special Action Force (SAF) oras na magmatigas na umalis ang mga miyembro ng KADAMAY.
Pakingan: Bahagi ng pahayag ni Pangulong Duterte
Giit ng Pangulo, kanya nang napagbigyan nuon ang mga KADAMAY nang okupahin ng mga ito ang mga pabahay para sa mga sundalo sa Pandi, Bulacan.
Pakingan: Bahagi ng pahayag ni Pangulong Duterte
