Daan-daang ipinagbabawal na mga kagamitan ang nakumpiska ng mga otoridad mula sa mga nagtutungo sa Manila North Cemetery.
Ayon kay Senior Insp. Melchor Villar, hepe ng Manila Police District Station 3, kabilang sa mga nakumpiska ang mga matalas na bagay tulad ng gunting, flammable materials at alak.
Patuloy anya ang kanilang paalala sa mga dumadalaw na iwasan na ang pagdadala ng mga ipinagbabawal na bagay dahil sa entrada pa lamang ay tiyak ng haharangin ang mga ito.
Sa kabila nito, inihayag ni Villar na normal pa rin ang sitwasyon sa loob ng sementeryo habang nakatakda ng itaas sa full alert ang estado ng kahandaan ng Philippine National Police para sa Undas.
By: Drew Nacino
