Inihayag ni Department of Health (DOH) Officer-In-Charge Maria Rosario Vergiere na natumbok ni Pangulong Ferdinand ‘Bongbong’ Marcos Jr. ang mga dapat pagtuunan ng pansin lalo na sa usapin ng healthcare o kalusugan ng bansa.
Ayon kay Vergeire, kuntento siya sa mga inilatag ng punong ehekutibo kabilang ang pagpapaigting ng COVID vaccination, COVID response, benepisyo sa healthcare workers at universal health care.
Tinukoy rin ng pangulo aniya ang mahahalagang panukala na nakapaloob sa sona kabilang ang pagtatatag ng Center for Disease Control and Prevention at Virology Institute.
Samantala, umaasa naman si Vergeire na maitutulak ngayong 19th congress ang dalawang panukalang ito para mas maging handa ang bansa sa mga banta ng pandemya.
