Dumepensa ang walong (8) mga dati at incumbent na opisyal ng PhilHealth sa akusasyong kabilang sila sa ‘mafia’ sa ahensiya.
Ayon statement na inilabas ng grupo, hindi sila ‘mafia’ bagkus ay mga career officials na naninindigan laban sa mga anomalya at hindi tamang pamamalakad sa loob ng PhilHealth.
Simula pa anila noong 2010 ay nagpalabas na sila ng position paper ukol sa mga butas sa polisiya ng PhilHealth.
Hindi anila inaksyunan ang kanilang mga position paper dahilan para masangkot ngayon ang ahensiya sa ghost claim ng Wellmed Dialysis Center.