Pitu sa bawat sampung Pilipino o 71% ang naniniwalang dapat ibatay ng mga senator-judges ang kanilang pasya sa impeachment trial ni Vice President Sara Duterte sa batas at ebidensiyang ihaharap sa paglilitis.
Ayon sa July 2026 Tugon ng Masa Survey ng OCTA Research, ipinakita na malawak ang suporta sa pagdedesisyon batay sa batas at ebidensiya sa iba’t ibang rehiyon at sektor ng lipunan, habang tanging 21% lamang ang nagsabing dapat manaig ang mga konsiderasyong politikal.
Samantala, giit ng OCTA, na hindi nito sinusukat kung pabor ang publiko sa conviction o acquittal.
Sa kabuuan, sinabi ng OCTA Research na pinatutunayan ng resulta ng survey ang mataas na pagpapahalaga ng mga Pilipino sa due process, patas na paglilitis, at pagdedesisyon na nakabatay sa ebidensiya habang nagpapatuloy ang impeachment trial.
Isinagawa ang survey mula nitong July 4 hanggang 11 sa 1,200 adult respondents sa pamamagitan ng face-to-face interviews.—sa panulat ni Reabelle Medina
