Nalason ang 85 mga estudyante matapos na kumain ng ampao sa Ubay, Bohol.
Nagreklamo ng pananakit ng tiyan at pagsusuka ang mga estudyante mula sa Villa Teresita Elementary School matapos na kumain ng ampao na binili sa isang street vendor.
Pinauwi na mula sa ospital ang may 66 na mga bata habang nanatili naman ang halos 20 studyante na isinailalim sa obserbasyon.
Naglunsad naman ng imbestigasyon ang lokal na pamahalaan para alamin kung ano ang naging sanhi ng pagkalason at papanagutin ang mga tao sa likod nito.
By Rianne Briones
