Inihayag ng Trade Union Congress of the Philippines (TUCP) na nakadepende ang pagpapatupad ng 4-day work week sa mga employer at employees.
Sa naging panayam ng DWIZ kay TUCP Secretary-General at Spokesperson Alan Tanjusay, sinabi niya na kung magkakasundo ang mga manggagawa at employers ay maaring ipatupad ang 4-day work week.
Sinabi ni Tanjusay na kung ipatutupad ang nasabing rekomendasyon, dapat ang equivalent na sahod nito ay katumbas parin ng 5-days ng kanilang trabaho.
Dagdag pa ni Tanjusay na sakaling ipatupad ang rekomendasyon, dapat na nagagamit parin o ipinatutupad na night differential rate o night shift pay ng mga manggagawa. —sa panulat ni Angelica Doctolero
