Bigo pa rin ang pamunuan ng Metro Rail Transit (MRT) na maisaayos ang airconditioning system sa mga tren ng MRT.
Ang resulta, maaga na namang nagtiis ang mga commuter sa mahabang pila sa mga istasyon ng MRT.
Alas-4:30 ng madaling araw, dadalawang tren lamang ang bumibiyahe.
Pagsapit naman ng alas-7:00 ng umaga, nasa siyam na tren na ang bimibiyahe pero malayo ito sa karaniwang 16 hanggang 20 tren na bumibiyahe noon.
Dahil dito, aabot sa walo hanggang sampung minuto ang hinihintay ng mga pasahero bago makasakay sa MRT.
By Ralph Obina
