Mga bombang gagamitin ng NPA kasabay ng SONA nasabat sa Samar

Narekober ng militar ang may 19 na Anti- Personnel Improvised Explosive Devices at iba pang IED paraphernalia sa isanagawang strike operation sa Basey, Samar.

Batay sa natanggap na impormasyon ng pinagsanib na puwersa ng 81st Infantry Brigade at ng 87th Infantry Battalion, gagamitin umano ng mga  NPA o New People’s Army ang mga nasabing pampasabog sa Lunes, Hulyo 24.

Isasabay anila ng mga komunista ang pagpapasabog sa mga nasabing bomba sa ikalawang SONA o State of the Nation Address ni Pangulong Rodrigo Duterte.

Kasunod nito, nagpasalamat ang militar sa pakikipagtulungan ng komunidad upang agad malansag ang masamang balak ng mga rebelde na tutol sa pagpapalawig ng Martial Law sa Mindanao.

By Jaymark Dagala

Comments

comments