Litong-lito ngayon ang mga Bicolano kung sino ang ibobotong Vice Presidential candidate sa 2016 elections.
Ayon kay Ako Bicol Partylist Representative Rodel Batocabe, lumalabas na 5 ang kandidatong Bise Presidente na mula sa Bicol dahil Bicolana ang asawa ni Senador Allan Peter Cayetano.
Maliban kay Cayetano, ang mga tatakbong Bise Presidente na mula sa Bicol ay sina Senador Francis Escudedro, Antonio Trillanes, Gringo Honasan at Congresswoman Leni Robredo.
Sinabi ni Batocabe na lahat ng nabanggit na kandidato ay sinuportahan ng Bicol Region sa mga pinagdaanan nilang eleksyon.
Bagamat nalilito aniya ngayon ang mga Bicolano, ang sigurado namang mananalo sa puso ng mga botante ay yung nakapagpakita ng pagmamahal sa Bicol.
By Len Aguirre | Kasangga Mo Ang Langit
