Inihayag ng Commission on Elections (COMELEC) na hindi na muling mag-iimprenta ng panibagong balota sakaling magkaroon ng mga diskwalipikadong kandidato sa nakatakdang halalan sa Mayo.
Ito ang inihayag sa Laging Handa Public Briefing ni COMELEC Director Elaiza David na sa ngayon ay tuloy-tuloy ang pag-iimprenta ng mga balotang gagamitin para sa eleksiyon sa kabila ng nakabinbing paglabas ng desisyon sa inihaing disqualification laban kay presidential candidate Ferdinand Marcos Jr.
Samantala, kaugnay naman sa tanong kung mayroon ng desisyon ang first division ng COMELEC sa disqualification case na inihain laban kay Marcos, sinabi ni David na naghihintay pa sila kung kailan ilalabas ang desisyon.—sa panulat ni Mara Valle
