Magpapatupad ng bawas singil ang Manila Electric Company o MERALCO ngayong buwan.
Piso at kwarenta’y tres sentimos (P1.43) kada kilowatt hour ang itatapyas ng MERALCO sa kanilang singil na magreresulta naman sa overall rate na P8.17 per kilowatt hour.
Dahil dito, bababa ng P285.00 ang singil sa bawat customer na kumokonsumo ng 200 kilowatt per hour.
Ang bawas singil sa kuryente ay resulta ng refund na ipinag-utos ng Energy Regulatory Commission (ERC).
Ito ay mula sa over-recovery sa mga singil mula January 2014 hanggang Disyembre 2016, na aabot sa 6.9 billion pesos.
By Drew Nacino
