Hinihintay na lamang ng Manila Electric Company (Meralco) ang kautusan mula sa Energy Regulatory Commission (ERC).
Kaugnay ito sa pahayag ng ERC hinggil sa pagpapalawig ng “no disconnection policy” para sa mga konsyumer ng kuryente hanggang sa katapusan ng taon.
Ayon kay Meralco Spokesman Joe Zaldarriaga, bukas naman ang Meralco sa planong ito ng ERC at handa silang sumunod sakaling ilabas na ang kautusan.
Dagdag pa ni Zaldarriaga, may nakalatag na rin silang mga konsiderasyon para sa kanilang mga customer upang mapagaan ang kanilang pasanin ngayong may umiiral pa ring pandemya sa COVID-19.
