Nakiisa na rin ang Philippine Coast Guard (PCG) sa pagtulong upang kumuha ng blood samples mula sa mga umuuwing Overseas Filipino Workers (OFW’s).
Ito’y bilang bahagi ng rapid test para sa mga repatriates upang tukuyin kung sino ang mga nagpositibo sa coronavirus disease 2019 (COVID-19) at mabigyan ng agarang lunas.
Kabilang sa mga kinukuhanan ng blood samples ng medical team ng coast guard na dumating sa bansa partikular na ang mga OFW’s mula sa Taiwan.
Mula sa Ninoy Aquino International Airport (NAIA), sinundo ang mga ito ng coast guard at saka dinala sa quarantine sites para isalang sa 14 days quarantine period.
