Binanatan ni PNP Chief Dir/Gen. Ronald Bato Dela Rosa ang ilang mga tinawag niyang biased media na nagpapakalat ng mali at negatibong impormasyon sa publiko.
Ito’y kaugnay sa masidhing kampaniya ng pamahalaan kontra iligal na droga na siyang itinuturong dahilan kaya’t nabulilyaso ang pagbili sana ng PNP sa may 27,000 assault rifles sa isang kumpaniya sa Amerika.
Ayon kay General Bato, halatang nais lamang talaga ng mga tinawag niyang biased media na siraan ang administrasyon.
Kaya naman hinamon ng PNP Chief ang mga taga-Estados Unidos na pumunta at bumisita sa Pilipinas para makita nila ang tunay na estado ng bansa.
By: Jaymark Dagala
