Magpapatupad ng bagong oras ng curfew ang lungsod ng Maynila simula bukas, August 19.
Ito’y kasabay ng pagbabalik sa general community quarantine (GCQ) ng National Capital Region (NCR) simula bukas.
Batay sa abiso ng Manila Barangay Bureau, magiging alas 10:00 na ng gabi hanggang alas 5:00 ng umaga ang curfew sa Maynila.
Kaugnay nito, tiniyak ng lokal na pamahalaan na magsasagawa ng pag-iikot ang mga otoridad para masigurong sumusunod sa curfew ang mga residente.
