Naospital ang matandang babaeng nagbenta ng lambanog na hinihinalang dahilan ng pagkamatay ng hindi bababa sa 12 katao at pagkakasakit ng halos 300 iba pa sa Laguna.
Ayon kay Laguna Police Chief Col. Eleazar Mata, nagkasakit ang matandang babaeng retailer ng lambanog dahil sa naramdamang takot at sobrang pag-aalala sa insidente.
Dahil dito, sinabi ni Mata na nahihirapan ngayon ang kanilang mga imbestigador na kuhanan ng pahayag ang babaeng retailer.
Una na ring nagtungo ng pulisya si Fred Rey, ang may-ari ng Rey Lambanog para linisin ang sarili sa insidente.
Nangako rin si Rey na makikipagtulungan imbestigasyon at sasagutin ang gastos sa hospital ng mga biktima.
