Nakatakdang ideklara bilang teroristang grupo ng Autonomous Region in Muslim Mindanao (ARMM) ang Maute Group.
Ayon sa Regional Peace and Order Council sa Cotabato City, isang resolusyon ang ipapasa ng ARMM upang tuluyan nang mapabilang sa mga terorista ang Maute Group.
Pinag-aaralan din ng konseho ang posibleng pagpapadala sa Camp Bagong Diwa sa Taguig City sa mga maaarestong high risk criminals upang di na maulit ang jail break na isinagawa ng Maute Group sa Marawi City nitong linggo.
Matatandaang Maute Group ang nasa likod ng mga pag-atake sa tanggapan ng National Irrigation Administration sa Cotobato at mga tanggapan ng pulisya sa Mindanao.
By Ralph Obina
