Mas magiging mahigpit ang pagpapatupad ng Enchanced Community Quarantine (ECQ) sa Metro Manila simula sa Agosto 6.
Ayon kay DILG Secretary Eduardo Año, kumpara noong unang implementasyon ng ECQ sa NCR plus, mas magiging mahigpit ito ngayon kung saan mararamdaman aniya ang tinatawag na “hard lockdown”.
Hindi aniya magdadalawang isip ang mga pulis na mang-aresto ng mga lalabag sa mga ipinatutupad na panuntunan sa ilalim ng ECQ.
Nilinaw naman ng opisyal na sisitahin muna ang mga violators at huhulihin lang sila ng mga awtoridad kung ipagpapatuloy ng mga ito ang paglabag sa mga panuntunan.
