Umapela si Senador Bongbong Marcos sa kanyang supporters na maging mahinahon.
Sa harap na rin ito ng apela ng ilang netizens sa social media na nagtatawag ng protesta dahil umano sa kwestyonableng quick count ng PPCRV.
Dahil dito, pinayuhan ni Marcos ang kanyang mga tagasuporta na kumalma lamang at magpalamig ng ulo.
Iwasan din aniya ang mga hakbang na pagmumulan ng gulo, makasasakit sa kapwa, makasisira sa anumang gamit at makagugulo sa pang-araw-araw na aktibidad ng mga sibilyan.
Nangako si Marcos na makakaasa ang kanyang supporters na iimbestigahan nila ang kasalukuyang bilangan at ilalabas ang katotohanan dito.
By Meann Tanbio | Jonathan Andal (Patrol 31)
